منتدي به كل جديد ومتميز ويهتم بكل ما هو محبب للأعضاء
 
الرئيسيةالبوابةس .و .جبحـثالتسجيلدخول

شاطر | 
 

 إخـرس .. هـُس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحقوقى2008

avatar

ذكر
الدلو عدد الرسائل : 45
العمر : 30
العمل/الترفيه : محامى حر
نقاط : 9857
السٌّمعَة : 24
تاريخ التسجيل : 12/12/2008

مُساهمةموضوع: إخـرس .. هـُس   السبت 28 مارس 2009, 6:37 am

إخـرس .. هـُس

بس يا شعب مناكف بس
اخرس .. هس
لم حبالك .. وارعى عيالك
بص لشغلك ودا راسمالك
كلمة ونص
عاملين هيصة كدا وهليلة
دا بدربكة ودا بشخليلة
سيما اونطة ومالهاش عازة
ونازلين لطم ف كل جنازة
افهم .. حس
اخص عليك من شعب .. اسفخس

**********
مالك .. مالك
ايه ع السلطة مغير حالك
عيشتك مرة ؟!!
وخلاص عينك بصت برة
شفت العالم عايشة وهايصة
ونفسك بقى تطلع م الجرة
تمشي وتهتف كدا في مظاهرة
اختشي .. حس
اخص عليك غلباوي .. اسفخس

***********
طب إيه يعني
هي دي كانت أول مرة
مانتا يا شعب مناكف عارف ايه تهمتها
دانت في وقت طوارئ .. افهم
شوف نهايتها
راح تتلموا وتبقو ساعتها
تعرفوا قيمة النعمة اللي انتم
مش حاسين فعلا بقيمتها
انتو في نعمة ما حدش فيها يا شعب .. ودي آخرتها ..
جي تتنمرد .. ع السلطان
والله خلاص وبقالك حس
اخص عليك نساي اسفخس

**********
بقى دلوقتي .. واللا زمـااااان ؟
تليفزيونكم الابيض واسود بقى ألوان
والقنوات خاصة ومخصوصة خللت مكوجي بقى فنان
انترنت خلاص بقى سايـبر ..
والواد ميزو قلب دكانته .. وبقى بشطارته بزنس مان
والتليفون بقى لعبة في إيد ناعسة وحمدان
بعد ما كان تليفون العمدة .. وما فيش غيره
وممنوع لمسه لأيٍ كان
افهم .... حس
اخص عليك نكار .. اسفخس

*********
والكهربا وصلالكم كل مكان
الله يرحم لمبة جدك ملت صدوركم بالدخان
فكر واعقل يابني شوية
بلا حرية بلا ملوخية
عندك كل صباح هتلاقي ألف جريدة بالألوان
أخبار كورة .. فضيحة الموسم .. أحدث موضة
وآخر مشاريع الفنان
عز ما حدش قبلكو شافه
ولا كان يحلم بيه انسان
افهم .... حس
اخص يا شعب اناني اسفخس

*********
بلا حرية بلا بدنجان
صدعتونا يا شعب اونطجي عاش بكاش
كيلو اللحمة بخمسين أهيف
ما تاكولهاش
لما الجزار تفضل عنده وما يبعهاش
هيوزعها عليك ببلاش
شقة ميدو ايجارها خيالي
ما يسكنهاش
لازم يعمل فلة سي ميدو ويسكن شقة ؟
غيره ما عاش على كنبة مامته ما غيرهاش
يبقى الأزمة مين اللي عاملها .. يا شعب مناكف ؟
مانتاش عارف
امال شاطر تعمل فيها مفتح يعني
تبقى جنيت على نفسك مانت بفقرك وش النحس
اخص عليك .. لأ .. مليون اخص

**********
لم الدور واختشي بقى حس
ولا نسمع لجنابك حس
اخرس .. هس
لم حبالك .. وارعى عيالك
بص لشغلك ودا راسمالك
كلمة ونص
اخـرس .... هـُس
اخص عليك طماع .. اسفخس
الرجوع الى أعلى الصفحة اذهب الى الأسفل
pipo

avatar

ذكر
الجدي عدد الرسائل : 5
العمر : 30
نقاط : 9510
السٌّمعَة : 7
تاريخ التسجيل : 21/03/2009

مُساهمةموضوع: رد: إخـرس .. هـُس   الإثنين 30 مارس 2009, 6:14 am

عشرة على عشرة ياحقوقى يارب يار ب علطولت تتكلم ونتعلم ونئووووووووووول راينا من غير ماحد يئولنا بس هس اخرص بوصاسمع بس
الرجوع الى أعلى الصفحة اذهب الى الأسفل
 
إخـرس .. هـُس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي العالم :: المنتدى العام :: كافية العالم-
انتقل الى: